Merched â hanes o ganser y fron yn y teulu

Er nad yw astudiaethau ymchwil wedi dangos bod mantais amlwg i gychwyn sgrinio pob merch cyn 50 oed, fe allai hynny fod o fudd i ferched sydd mewn mwy o risg oherwydd hanes o ganser y fron yn y teulu. Nid oes gwybodaeth am y cydbwysedd rhwng y manteision a'r niwed o sgrinio merched ieuengach sydd mewn risg cymharol neu uchel, gan nad oes gwaith ymchwil wedi'i wneud hyd yma ar y grwp yma o ferched.

Mae sefydlu system i werthuso sgrinio ar gyfer y grwp yma o ferched, a darparu gwasanaethau sgrinio a genetig o ansawdd uchel yn hanfodol, er mwyn darparu gwybodaeth i rai sy'n gyfrifol am faterion polisi, clinigwyr a'r merched eu hunain. Felly mae Bron Brawf Cymru'n cynnig sesiynau sgrinio i ferched sy'n byw yng Nghymru, sydd wedi'u hasesu gan y Gwasanaeth Geneteg ac sydd â mwy o risg o ddatblygu canser y fron.

I gael rhagor o wybodaeth, siaradwch gyda’ch meddyg teulu neu gofynnwch i ni am fanylion cysylltu’r Gwasanaeth Geneteg yn eich ardal.