Newyddion a Digwyddiadau
Tachwedd 11 2010
Ceisio barn y cyhoedd am raglenni sgrinio yng Nghymru
Mae DYNION a menywod ar draws Cymru yn cael eu gwahodd i rannu eu barn am brofion sgrinio canser y fron, y colyddun a chanser ceg y groth y GIG.
Mae taflen newydd sbon ‘Cynnwys y Cleifion a’r Cyhoedd’ wedi cael ei datblygu mewn ymgais i annog mwy o aelodau o’r cyhoedd i leisio eu barn, a hyrwyddo buddion mynychu profion sgrinio yn rheolaidd.
Bydd y daflen ddwyieithog, a ddatblygwyd gan Is-adran Sgrinio Iechyd Cyhoeddus Cymru, yn cael ei dosbarthu mewn cymunedau ar draws y wlad, yn y gobaith o annog mwy o bobl i leisio eu barn, ac i helpu i ledaenu negeseuon cadarnhaol ynghylch sgrinio.
Bydd pobl yn gallu cymryd rhan mewn nifer o ffyrdd, yn amrywio o gymryd rhan mewn grwpiau ffocws ac arolygon, i rannu eu profiadau o gael prawf sgrinio trwy’r cyfryngau, gwefannau a straeon digidol.
Fel yr esboniodd Hannah Jones, Swyddog Hyrwyddo Sgrinio: “Cyflogir tîm hyrwyddo arbenigol i godi ymwybyddiaeth ynghylch rhaglenni sgrinio sy’n cael eu cynnig yng Nghymru ar hyn o bryd, ac mae cynnwys y cyhoedd wrth wraidd ein gweithgareddau.
“Mae defnyddwyr y gwasanaeth eisoes yn rhoi cymorth amhrisiadwy i ni mewn llawer o ffyrdd, fel cyfrannu tuag at ddatblygu taflenni newydd, ac ymddangos yn ein DVDau hyrwyddo.
Maent hefyd yn ein helpu yn ystod ymgyrchoedd hyrwyddo penodol, fel Wythnos Ewropeaidd Ymwybyddiaeth o Ganser Ceg y Groth ym mis Ionawr. Roeddem yn gallu defnyddio profiadau menywod o gael prawf ceg y groth i godi ymwybyddiaeth yn y cyfryngau am y rhaglen sgrinio serfigol.”
Dywedodd Dr Rosemary Fox, Cyfarwyddwr Dros Dro Is-adran Sgrinio Iechyd Cyhoeddus Cymru: “Rwyf wrth fy modd ein bod yn gallu cyflwyno’r fenter newydd hon, a fydd yn ein galluogi i sicrhau bod ein gweithgareddau’n cael eu llywio gan farn defnyddwyr ein gwasanaethau.
“Mae’n hanfodol ein bod yn deall barn y cyhoedd wrth gynllunio gwasanaethau, er mwyn darparu’r rhaglenni sgrinio o’r ansawdd gorau sy’n canolbwyntio ar y defnyddiwr y mae pobl Cymru yn eu haeddu.”
Hyrwyddo Sgrinio: Cynnwys y cyhoedd taflen wybodaeth am
Swyddog Hyrwyddo Sgrinio, Hannah Jones (chwith), a Clare Jones, Cynorthwywr radiograffydd yn Bron Brawf Cymru Wrecsam yn y llun gydair daflen newydd
Ebrill 09 2010
Mae Bron Brawf Cymru wedi sgrinio’n llwyddiannus y defnyddwyr anabl cyntaf o’r uned deithiol newydd sy’n sgrinio bronnau pobl sy’n defnyddio cadeiriau olwyn. Uned newydd Bron Brawf Cymru yw’r gyntaf o’i math yn y Deyrnas Unedig. Cafodd ei lansio gan y mudiad ym mis Ionawr 2010.
Yn ystod yr wythnos ddiwethaf, cafodd y defnyddwyr anabl cyntaf eu sgrinio yn yr uned a oedd ym maes parcio Canolfan Hamdden Pen-y-bont ar Ogwr. O’r holl fenywod a gafodd eu gwahodd, daeth 80% i gael eu sgrinio, sy’n ffigwr uwch nag y mae staff clinigau Bron Brawf Cymru’n ei ddisgwyl.
Heblaw am un fenyw, roedd yn bosib sgrinio’r holl fenywod anabl a ddaeth, ac roedd yr holl ddefnyddwyr yn falch iawn fod y gwasanaeth ar gael iddyn nhw.
Dywedodd Chris Tinkler, Pennaeth Radiograffeg Bron Brawf Cymru: “Roedd yn braf gweld y menywod yma’n gallu cael eu sgrinio mewn uned yn eu hardal, a gweld bod yr uned yn bodloni eu hanghenion ymarferol.
“Fe wnaethon ni ddysgu rhai gwersi gwerthfawr ar ôl rhedeg y clinig cyntaf yma, yn cynnwys gofalu bod ochrau’r cadeiriau olwyn yn dod i ffwrdd fel eu bod yn ffitio yn yr uned. Byddwn ni’n defnyddio’r profiad yma fel sail i wella’r gwasanaeth, ond rydyn ni’n falch iawn bod y sgrinio wedi bod mor llwyddiannus.”
Ionawr 04 2010
Uned sgrinio’n cynnig mynediad gwell i fenywod anabl yng Nghymru
Heddiw mae Bron Brawf Cymru’n lansio uned sgrinio deithiol newydd sy’n caniatáu mynediad i bobl mewn cadeiriau olwyn. [darllenwch fwy...]
Tachwedd 2009
- 'Sgrinio Am Oes' Hydref/Gaeaf 2009 cyhoeddwyd
Hydref 2009
Iechyd Cyhoeddus Cymru ar waith.
O ddydd Iau 1 Hydref, bydd cyfrifoldeb ar gyfer swyddogaethau a gwasanaethau Bron Brawf Cymru yn cael eu hysgwyddo gan yr Ymddiriedolaeth GIG newydd, Iechyd Cyhoeddus Cymru.
Ni fydd gwasanaethau a ddarperir gan y Gwasanaeth Cofrestr a Gwybodaeth Anomaleddau Cynhenid (CARIS), yr NPHS, Gwasanaethau Sgrinio, Canolfan Iechyd Cymru a’r Uned Gwybodaeth ac Arolygaeth Canser Cymru (WCISU) yn newid. Ni fydd enwau a manylion cyswllt y gwasanaethau hyn yn newid chwaith.
Gellir gweld mwy o fanylion am y newid a’r cynlluniau ar gyfer y dyfodol ar wefan Iechyd Cyhoeddus Cymru:
nww.publichealthwales.wales.nhs.uk (intranet)
www.publichealthwales.org (internet)
Tachwedd 2007
'Gwybodaeth Am Eich Sesiwn Sgrinio'r Fron / Gwybodaeth Am Eich Prawf Ceg Y Groth' DVD released.
Mae'r ddwy raglen, sy'n para 10 munud yr un, yn egluro'r ffeithiau ynghylch profion sgrinio'r fron a sgrinio cegy groth, yng ngeiriau menywod a staff y GIG. To order via email please use the Word file version below.
Ffurflen archebu DVD (Word ffeil)- Ffurflen archebu DVD (PDF ffeil)
